Sergio Aguero, leikmaður Manchester City, segir að einn allra besti vinur sinn sé á mála hjá Manchester United.
Aguero ræddi fjölskyldumálin við blaðamenn í gær en sonur hans, Benjamin býr með móður sinni í Argentínu.
Aguero eyðir mestum tíma með Nicolas Otamendi, liðsfélaga sínum hjá City eða De Gea.
,,Benjamin býr með móður sinni í Argentínu. Hann fer í skóla þar og kemur hingað í viku einu sinni í mánuði,“ sagði Aguero.
,,Hann er með sitt eigið herbergi hérna hjá mér og þegar systkini mín koma þá eru þau líka hjá mér.“
,,Ég eyði þó mestum tíma bara einn, ef ekki þá er ég með Nico Otamendi eða David de Gea.“
,,Ég og De Gea eyðum miklum tíma saman því við vorum saman hjá Atletico Madrid. Vinátta okkar er mjög góð. Hann spilar þó fyrir Manchester United og ég fyrir City.“
