Guðjón Baldvinsson lék með liði Stjörnunnar í kvöld er liðið mætti eistnenska liðinu Kulju í Evrópudeildinni.
Stjarnan vann flottan 3-0 sigur í fyrri leik liðanna í Garðabæ en sætti sig við 1-0 tap úti í kvöld.
Það kemur þó ekki að sök en Stjarnan fer í næstu umferð og mætir þar líklega FCK frá Danmörku.
,,Já ég held að menn hafi aðeins verið að spara sig og þá sérstaklega í fyrri hálfleik,“ sagði Guðjón eftir leikinn.
,,Þetta er gott lið og þeir væru klárlega að spila í efstu deild á Íslandi, þeir sönnuðu það að þeir eru með gott lið í kvöld.“
,,FCK er spennandi verkefni og þar erum við að spila á stóra sviðinu, það verður krefjandi verkefni.“
,,Ég býst við að þeir taki þessu eins og ‘a walk in the park’. Þeir búast við sigri þarna en við ætlum að reyna að vera fyrir þeim.“
