Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.

Félagaskiptaglugginn í öllum stærstu deildum Evrópu er nú opinn og eru fjölmörg lið að skoða í kringum sig.

Hér má sjá pakka dagsins.

Tottenham mun missa af sóknarmanninum Malcom hjá Bordeaux en hann er á leið til Inter. (Times)

Leicester City er tilbúið að bjóða Harry Maguire nýjan samning vil að forðast það að missa hann til Manchester United. Maguire mun fá væna launahækkun ef hann samþykkir.(Mail)

Felipe Anderson mun klára skipti til West Ham á næstu dögum en hann kemur til félagsins frá Lazio. (London Evening Standard)

Bakary Sako, leikmaður Crystal Palace, hefur hafnað nýju samningstilboði félagsins. (Football London)

Paris Saint-Germain ætlar að bjóða Neymar nýjan samning svo að Real Madrid sleppi því að bjóða í Brasilíumanninn. (AS)

Manchester United er í viðræðum við Inter Milan um kaup á vængmanninum Ivan Perisic. (Paris United)

Matteo Darmian, leikmaður Manchester United, er á leið aftur til Ítalíu en Inter Milan vill fá hann í láni. (Mirror)

Brighton vill fá miðjumanninn Yves Bissouma sem spilar með Lille en Fulham hefur einnig áhuga. (Argus)