Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn á Englandi er nú opinn á ný en er þó enn lokaður í öðrum stærstu deildum Evrópu.
Hér má sjá pakka dagsins.
Juventus er viss um það að félagið geti tryggt sér hinn 33 ára gamla Cristiano Ronaldo frá Real Madrid. (Mirror)
Manchester City er loksins að klára kaup á Jorginho, leikmanni Napoli og Riyad Mahrez, vængmanni Leicester City. Þeir kosta samanlagt 108 milljónir punda. (Mirror)
Chelsea vill fá 70 milljónir punda fyrir Willian en Barcelona og Manchester United hafa áhuga. (Mundo Deportivo)
Chelsea hefur nú þegar hafnað tilboði í Willian sem var yfir 50 milljónir punda. (Sky)
Tottenham vill fá hinn 23 ára gamla Adrien Rabiot sem leikur á miðjuinni fyrir Paris Saint-Germain. (France Football)
Unai Emery, stjóri Arsenal, vill fá miðjumanninn Andre Gomes sem spilar með Barcelona á Spáni. Barcelona vill fá 30 milljónir punda fyrir leikmanninn. (Independent)
Steven N’Zonzi, leikmaður Sevilla, hefur sagt félaginu að hann vilji komast burt í sumar en Arsenal hefur áhuga. (Sun)
