Telegraph fjallar um það að ef Chelsea mistekst að komast í Meistaradeildina að ári að þá gætu margir leikmenn farið frá félaginu.
Telegraph segir að níu leikmenn gætu stigið skrefið og farið frá Chelsea.
Tap gegn Tottenham í gær setur Chelsea í mjög erfiða stöðu. Liðið er átta stigum frá Meistaradeildarsæti með sjö leiki eftir.
Eden Hazard og Thibaut Courtois gætu báðir sleppt því að skrifa undir nýja samninga ef liðið fer ekki í Meistaradeildina. Real Madrid hefur áhuga á báðum.
Cesc Fabregas, Pedro Rodriguez, Gary Cahill, David Luiz, Olivier Giroud, Michy Batshuayi og Kurt Zouma gætu svo allir farið í sumar en flestir af þessum leikmönnum hafa ekki spilað lykilhlutverk.
