Fjöldi leikja fór fram í ensku Championship deildinni í dag og var þeim að ljúka núna rétt í þessu.
Bristol City vann afar mikilvægan sigur á Ipswich, 1-0 þar sem að Milan Djuric skoraði eina mark leiksins á 64. mínútu.
Hörður Björgvin Magnússon var í byrjunarliði Bristol í dag og spilaði í hjarta varnarinnar en honum var skipt af velli á 71. mínútu.
Þá tapaði Reading fyrir Norwich á útivelli, 2-3 en Jón Daði Böðvarsson var ekki með gestunum í dag vegna meiðsla á ökkla.
Bristol er í sjöunda sæti deildarinnar með 61 stig, einu stigi frá umspilssæti en Reading er í nítjánda sæti deildarinnar með 36 stig, 3 stigum frá fallsæti.
