Gylfi Magnússon, fyrrverandi efnahags- og viðskiptaráðherra, hélt því fram í vikunni að það hefði engin áhrif á fyrirhugað aflandskrónuútboð þótt stjórnin færi frá og boðað yrði strax til kosninga enda væri það mál „á forræði Seðlabankans.“ Brynjar Níelsson gefur lítið fyrir þá skoðun Gylfa og segist á Facebook nú skilja af hverju ekkert gerðist í haftamálum í tíð vinstri stjórnarinnar.
„Til upplýsinga fyrir Gylfa þá er ekki búið að leggja fram öll nauðsynleg frumvörp í þinginu til að aflétta höftunum. Einnig að í aðgerðum sem þessum þarf að taka pólitískar ákvarðanir og hafa pólitíska forystu svo þau verði til lykta leidd. En þetta skilja kannski ekki menn sem sjaldan fara út fyrir skólalóðina. Þegar fræðimenn við hagfræðisdeild Háskóla Íslands senda frá sér skrif af þessu tagi er ástæða til að að hafa áhyggjur. Nú bíð ég bara eftir að Þorvaldur Gylfason skrifi nýjar greinar um siðleysi þjóðarinnar að vilja ekki greiða skuldir einkaaðila. Kannski gætu samkennarar hans, Gylfi og Þórólfur, verið meðhöfundar.“