Í Barmahlíð 28 í Reykjavík er dásamleg 120 fermetra íbúð, sem sagt var fyrst frá á vefnum Trendnet. Íbúðin er á sölu og er ásett verð 61,9 milljónir.
Eldhúsið í íbúðinni fangaði athygli matarvefsins en það er í einu orði sagt dásamlega fallegt.
Það er greinilegt að búið er að huga að hverju smáatriði og eru innréttingar einstaklega stílhreinar og fallegar eins og myndirnar sýna.
Eignin verður til sýnis í dag, þriðjudaginn 19. febrúar, á milli klukkan 17 og 17.30, en þeir sem komast ekki geta dáðst að þessu eldhúsi og fengið innblástur fyrir sitt eigið.
