Hátt í 90 fíkniefnamál komu upp í tengslum við tónlistarhátíðina Secret Solstice, sem haldin var í Laugardalnum um helgina. Í tilkynningu frá lögreglu kemur fram að helst hafi verið lagt hald á kannabisefni, en einnig kókaín, amfetamín, MDMA og e-töflur.
Lögregla var með tvo fíkniefnahunda sem fundu talsvert af þeim fíkniefnum sem lögregla lagði hald á. Þá segir í tilkynningu frá lögreglu að líkamsárásir hafi átti sér stað, eða pústrar eins og lögregla orðar það en níu líkamsárásir voru tilkynntar til lögreglu. Í skeyti lögreglu segir orðrétt:
„og vænta mátti var ástand gesta misjafnt og þurfti að fjarlæga einhverja þeirra af svæðinu af þeirri ástæðu. Nokkuð var um kvartanir íbúa í nágrenninu vegna hávaða frá hátíðinni, en tilkynningarnar voru vel á annan tug.“