Fréttir

Allt brotið og bramlað í bústaðnum hans Valgeirs: „Handviss um að þetta sé persónulegt“

Tómas Valgeirsson
Fimmtudaginn 14. júní 2018 14:02

Sumarbústaður á Borgarnesi í eigu Valgeirs Reynissonar var lagður í rúst á dögunum. Bústaðurinn var glænýr og í raun ófullbúinn að sögn Valgeirs. Hann hafði unnið í smíðunum í dágóðan tíma og var kominn langt á leið, en segir hann nú að skemmdirnar flytji framkvæmdirnar aftur á byrjunarreit og þykir honum það miður. Hjólhýsi Valgeirs, sem stóð á lóðinni, var einnig lagt í rúst.

„Það er búið að brjóta, bramla og eyðileggja allt. Gjörsamlega allt,“ segir Valgeir, sem hefur kært málið til lögreglu og vinnur hörðum höndum að komast til botns í málinu. Bætir hann við að þetta hafi komið móður sinni á óvart, en hún var á leið í bústaðinn ásamt eiginmanni sínum þegar skemmdirnar uppgötvuðust.

Peningaverðlaun í boði

„Ég var erlendis þegar þetta átti sér stað, en þau komu að staðnum síðustu helgi og voru vel skelkuð,“ segir hann og tekur fram að hann sé óviss um hvort sambærileg tilfelli hafi átt sér stað í grendinni, þó aldrei sé að vita hver verður næstur þegar svona kemur upp.

Valgeir birti ljósmyndir af skemmdunum á Facebook-síðu sinni og tekur þar fram að peningaverðlaun eru í boði þeim sem vita nánar um málið. Þó gruni hann tvo tiltekna aðila sem hann þekkir til og er handviss um að málið sé persónulegt.

Neðangreindar myndir eru birtar með leyfi Valgeirs.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Gústaf fór úr axlarlið eftir tapleik Íslands á HM

Gústaf fór úr axlarlið eftir tapleik Íslands á HM
Fréttir
Fyrir 2 dögum

Kristín var rangfeðruð en fann föður sinn á fimmtugsaldri: „Ágætt að hann hét líka Jón“

Kristín var rangfeðruð en fann föður sinn á fimmtugsaldri: „Ágætt að hann hét líka Jón“
Fyrir 2 dögum
Leki og lygar
Fréttir
Fyrir 3 dögum

Sjáðu stemninguna á Secret Solstice þar sem leikur Íslands og Nígeríu var sýndur: Tattúmeistari, víkingar og bleikskeggjaður Vestfirðingur

Sjáðu stemninguna á Secret Solstice þar sem leikur Íslands og Nígeríu var sýndur: Tattúmeistari, víkingar og bleikskeggjaður Vestfirðingur
Fréttir
Fyrir 3 dögum

Myndband: Þúsundir tóku víkingaklappið í Gilinu á Akureyri

Myndband: Þúsundir tóku víkingaklappið í Gilinu á Akureyri