Leit að manninum sem klifraði upp á handrið brúarinnar yfir Ölfusá og fór í ána hélt áfram í morgun. Ekkert hefur sést til mannsins síðan hann fór í ánna í fyrrinótt.
Vegfarandi var vitni af manninum klifra upp á handriðið um klukkan þrjú aðfaranótt sunnudags.
RÚV greinir frá því að notast verður við dróna sem flogið er eftir ánni. Auk þess mun björgunarsveitarfólk ganga meðfram ánni og leitað er á bátum.
Aðstæður til leitar eru taldar talsvert betri í dag en í gær, en þá var slæmt skyggni vegna vonskuveðurs.