Fegurðardísir sækjast eftir vinskap íslenskra karlmanna

Erlendar fegurðardísir sækjast eftir vinskap við íslenska karlmenn á Facebook
Ástarsvindl Erlendar fegurðardísir sækjast eftir vinskap við íslenska karlmenn á Facebook

Margir íslenskir karlmenn hafa tekið eftir því á undanförnum dögum að sægur af erlendum fegurðardísum hefur sóst eftir vinskap við þá á Facebook. Um er að ræða tugi slíkra vinabeiðna á dag og sjaldnast eiga þær nokkurn sameiginlegan vin.

Lögreglan hefur varað við að samþykkja slíkar beiðnir því að í langflestum tilvikum er engin fegurðardís á bak við reikninginn heldur óprúttnir svikahrappar. Ástarsvindl kallast þetta og auga svikalómanna beinist nú að Íslandi. Svindlið tekur langan tíma og á endanum telur þolandinn sig í ástarsambandi við fegurðardísina.

Eftir ákveðin tíma falast svindlarinn eftir fjármagni, til dæmis með því að segjast vera í vandræðum og geti ekki leitað til neins annars. Ef þolandinn borgar er aftur beðið um greiðslu síðar. Íslenskar konur hafa einnig fengið vinabeiðnir frá óþekktum erlendum karlmönnum en samt ekki í nærri jafn miklum mæli.

Nei, þú ert ekki einn

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.