Apple er viljandi búið að hægja á iPhone X, iPhone 8 Plus og iPhone 8, en fyrirtækið heldur því fram að þessi aðgerð þeirra hindri að eldri símar slökkvi fyrirvaralaust á sér. Þeir sem eiga ofangreinda síma hafa væntanlega tekið eftir þessu stuttu eftir að Apple bauð upp á nýja uppfærslu á stýrikerfi símanna í síðustu viku.
Apple hefur áður gert þetta við eldri týpur af símum þegar að ný týpa lítur dagsins ljós, en fyrirtækið staðfesti þetta ekki fyrr en í desember á síðasta ári, eftir að fjölmargar sögusagnir fóru á kreik. Reyndist grunurinn rökstuddur og sögðu forsvarsmenn Apple hafa viljandi hægt á öllum iPhone6- og iPhone SE-símum yfir tólf mánaða tímabil.
Nýja uppfærslan heitir iOs 12.1 og kemur í veg fyrir að eldri týpur af iPhone séu mjög hraðvirkar. Apple heldur því fram að þetta sé til þess að batteríin endist lengur. Kemur þessi uppfærsla í kjölfar þess að nýr iPhone, iPhone XS, kom á markað.
1. Fara í Settings í símanum.
2. Smella á Battery og síðan Battery Health.
3. Skruna niður í flokk sem heitir Peak Performance Capability og smella á Disable.
Þá er búið að afvirkja frammistöðustjórnun (e. performance managment) símans. Hins vegar er rétt að taka fram að þegar er búið að afvirkja hana er ekki hægt að virkja hana aftur handvirkt. Frammistöðustjórnunin virkjast á ný þegar að síminn slekkur fyrirvaralaust á sér.