fbpx
Mánudagur 18.febrúar 2019
Fréttir

Var verkfræðingur átta mánuði að ástandsskoða braggann í Nauthólsvík?

Kristján Kristjánsson
Þriðjudaginn 9. október 2018 06:51

Bragginn umræddi.

Ekki missa af Helstu tíðindum dagsins í pósthólfið þitt

Lesa nánar

Í grein í Morgunblaðinu í dag fjallar Áslaug Arna Sigurbjörnsdóttir, ritari Sjálfstæðisflokksins, um hið fræga Braggamál sem hefur kostað Reykvíkinga hátt í hálfan milljarð króna og er ekki enn lokið. Í grein sinni segir Áslaug að forgangsröðun opinberra fjármuna sé eitt mikilvægasta verkefni kjörinna fulltrúa en því virðist vera öðruvísi farið hjá Reykjavíkurborg. Þar á bæ hafi ekki verið horft mikið til forgangsröðunar á undanförnum árum þegar ákveðið hefur verið hvernig fjármunum borgarbúa skuli varið.

„Það kristallast einna skýrast í 257 milljóna framúrkeyrslu þegar Reykjavíkurborg ákvað að verja, eða eyða eftir því hvernig á það er litið, fjármunum í endurbyggingu á bragga og tengibyggingum. Áætlað var að verja 158 milljónum króna í verkefnið en kostnaðurinn er nú þegar kominn í 415 milljónir – án þess að verkefnið sé fullklárað. Kostnaður braggans er enn eitt dæmið um forystuleysi í Reykjavík.“

Segir Áslaug og bendir á að enginn einstaklingur, fjölskylda eða einkafyrirtæki hefði þolað kostnað sem þennan eða umframkeyslu í tengslum við framkvæmd.

„Það virðist þó gilda önnur lögmál um hið opinbera þar sem alltaf er hægt að ganga lengra, seilast aðeins dýpra og virða að vettugi áætlanir og eðlilegan kostnað. Enginn kostnaðarliður fór í útboð, það kemur lítið á óvart þegar rýnt er í sundurliðun á kostnaðinum við verkið. Auðvelt er að reka í rogastans þegar ástandsskoðun ein og sér kostar 27 milljónir króna, eða um það bil jafn mikið og lítil íbúð í einu af nágrannasveitarfélögum borgarinnar. Ef við gefum okkur að tímagjald verkfræðings sé um 18.600 kr. á klukkustund (15 þús.kr. + vsk) þá má ætla að um 1.450 klst hafi farið í verkefnið, eða rúmir átta mánuðir fyrir einn mann í fullri vinnu. Líklega hefur ekkert hús á landinu farið í gegnum jafn dýra ástandsskoðun.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Myndband: Bátur varð vélarvana í dag og rak stjórnlaust

Myndband: Bátur varð vélarvana í dag og rak stjórnlaust
Fréttir
Í gær

Sædís og Samúel sátu fyrir níðingi dóttur sinnar

Sædís og Samúel sátu fyrir níðingi dóttur sinnar
Fréttir
Fyrir 3 dögum

Slagsmál brutust út á leik ÍR og Stjörnunnar: Stuðningsmenn létu hnefahögg dynja hver á öðrum

Slagsmál brutust út á leik ÍR og Stjörnunnar: Stuðningsmenn létu hnefahögg dynja hver á öðrum
Fréttir
Fyrir 3 dögum

Hannes fékk dularfullt símtal: Sagðist búa í Reykjavík – Þessu verður þú að gæta þín á!

Hannes fékk dularfullt símtal: Sagðist búa í Reykjavík – Þessu verður þú að gæta þín á!