Björgunarsveitir á höfuðborgarsvæðinu voru kallaðar út um klukkan átta í morgun vegna leitar að eldri karlmanni í Árbænum.
Kallaðir voru út leitarflokkar, leitarhundar og sporhundur.
Um 70 björgunarsveitamenn voru komnir út klukkan níu í morgun og leita nú stórt svæði í um 20 hópum.
UPPFÆRT:
Maðurinn, sem heitir Páll, er fundinn heill á húfi. Rumlega 140 björgunarsveitarmenn tóku þátt í leitinni og notuðust meðal annars við sporhund, leitarhunda, vélhjól, reiðhjól og dróna. 32 björgunarsveitir voru boðaðar út.