Fréttir

Kúvending hjá Donald Trump – Hættir við refsiaðgerðir gagnvart Rússlandi

Kristján Kristjánsson
Þriðjudaginn 17. apríl 2018 04:58

Nikki Haley, sendiherra Bandaríkjanna hjá Sameinuðu þjóðunum, er að jafnaði skýrmælt þegar hún talar hjá SÞ og við fjölmiðla og segir hlutina hreint út. Það var hún á sunnudaginn þegar hún sagði að bandarísk stjórnvöld hefðu í hyggju að herða enn refsiaðgerðir gagnvart Rússlandi vegna stuðnings Rússa við efnavopnaframleiðslu sýrlensku stjórnarinnar.

Hún sagði að nýju refsiaðgerðirnar myndu beinast að fyrirtækjum sem hafa selt sýrlensku stjórninni búnað til efnavopnaframleiðslu.

„Við viljum að vinir þeirra, Íran og Rússland, skilji að við meinum það sem við segjum og þess vegna munu þeir finna fyrir þessu.“

Það var engin ástæða til annars en að taka orð hennar trúanleg enda er Haley ein af skærustu stjörnunum í ríkisstjórn Trump og virðist vera í góðu sambandi við forsetann.

Ekki var annað að sjá en að ríkisstjórnin væri búin að undirbúa þetta allt og átti Steve Mnuchin, fjármálaráðherra, að kynna nýju refsiaðgerðirnar í gær á fréttamannafundi. Washington Post segir að Trump hafi hins vegar snúist hugur og hætt við refsiaðgerðirnar.

Ekki er vitað hvers vegna en ákvörðun hans kom eftir að stjórnvöld í Kreml fordæmdu fyrirhugaðar refsiaðgerðir. Trump er sagður hafa rætt málið við þjóðaröryggisráðgjafa sína á sunnudaginn og sagt þeim að hann væri ekki reiðubúinn til að samþykkja refsiaðgerðirnar. Þessum skilaboðum var að sögn komið strax til rússneska sendiráðsins í Moskvu.

Sarah Sanders, fjölmiðlafulltrúi Hvíta hússins, sagði í framhaldi af þessu að ummæli Haley hafi verið mistök. Hvíta húsið hafi verið að íhuga frekari refsiaðgerðir en ákvörðun um þær yrði ekki tekin fyrr en á næstu dögum.

Þessi þróun mála gerir það að verkum að hörð orð og viðbrögð Trump við efnavopnanotkun í Sýrlandi virðast ótrúverðugri en áður. Þetta sveipar stefnu hans í málefnum Rússland einnig enn meiri þoku og sýnir að ríkisstjórn hans er ósamstíga í málinu.

Trump hefur lengi sagt að hann vilji betra samband við Rússland og hefur aldrei verið hrifinn af að gagnrýna Vladimir Pútín Rússlandsforseta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 dögum

Hallbjörn selur Kántrýbæ

Hallbjörn selur Kántrýbæ
Fréttir
Fyrir 2 dögum

Sex kvik­myndir í pípunum um taílensku fót­boltadrengina

Sex kvik­myndir í pípunum um taílensku fót­boltadrengina
Fréttir
Fyrir 2 dögum

Landsþekktur hestamaður ákærður fyrir nauðgun í annað sinn – „Ég er saklaus af því, það er alveg á tæru“

Landsþekktur hestamaður ákærður fyrir nauðgun í annað sinn – „Ég er saklaus af því, það er alveg á tæru“
Fréttir
Fyrir 2 dögum

Klór frá sundlaug hefur mögulega borist í Varmá í mörg ár

Klór frá sundlaug hefur mögulega borist í Varmá í mörg ár
Fréttir
Fyrir 3 dögum

Pia ánægð með Íslandsferðina

Pia ánægð með Íslandsferðina
Fréttir
Fyrir 3 dögum

Hallgrímur jarðar hátíðina á Þingvöllum: „Þar voru aðeins um tuttugu eldri hjón, sem öll höfðu gert smá krók á leið sinni úr sumarhúsum sínum“

Hallgrímur jarðar hátíðina á Þingvöllum: „Þar voru aðeins um tuttugu eldri hjón, sem öll höfðu gert smá krók á leið sinni úr sumarhúsum sínum“