Fréttir

Margrét ósátt: Þetta glymur í fjóra sólarhringa og maður flýr Reykjavík

Ágúst Borgþór Sverrisson
Laugardaginn 17. júní 2017 20:50

„Við höfum reynt að fara út úr bænum en komumst bara ekki í dag, vegna lasleika bóndans, en annars höfum við reynt að vera bara að heiman. Maður flýr bara hreinlega Reykjavík. Ég var komin með rjúkandi höfuðverk í gærkvöldi en maður verður bara pirraður. Núna höfum við í dag reynt að bjarga okkur með því að hafa fótboltann á fullu.“ Þetta sagði Margrét Sigurðardóttir, íbúi á Laugarnesvegi í viðtali í kvöldfréttum RÚV. Samkvæmt fréttinni eru skiptar skoðanir meðal nágranna tónlistarhátíðarinnar Secret Soltstice um ágæti hátíðarinnar.

„Þetta glymur í fjóra sólarhringa. Það eru allir gluggar lokaðir, hurðir og allt, það glymur húsið samt,“ bætir Margrét við.

Annars íbúi, Edda Holmberg í Teigahverfi, lýsti hins vegar yfir ánægju sinni með framtakið og segist ekki verða fyrir neinu ónæði af hátíðinni, þvert á móti fagni hún því að eitthvað sé gert í Laugardalnum.

Íbúi í Sigtúni segir að sumir hátíðargestir setjist að sumbli í götunni og komi jafnvel fyrir þar útilegugræjum. Einhverjir kasti af sér vatni í húsagörðum og skilji eftir sig rusl.

Sjá nánar á vef RÚV, meðal annars myndskeið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af