Í dag sýknaði Héraðsdómur Reykjavíkur, Sigmund Erni Rúnarsson dagskrárstjóra Hringbrautar, í meiðyrðamáli sem Guðmundur Spartakus Ómarsson höfðaði gegn honum.

RÚV greinir frá en lögmaður Guðmundar, Vilhjálmur H. Vilhjálmsson, fór fram á ómerkingu á níu ummælinum sem féllu á Hringbraut og tvær milljónir í skaðabætur fyrir Guðmund. Vilhjálmur ætlar að áfrýja niðurstöðunni til Hæstaréttar.

Í frétt RÚV segir að Sigmundur Ernir fagni niðurstöðunni. Hún sé blaða- og fréttafólki í vil og þar af leiðandi ábyrgu málfrelsi og tjáningarfrelsi.

„Hræðsla má ekki hafa yfirhöndina og hvað þá tilburðir til þöggunar,“ segir Sigmundur.