Kl. 22:37 í gærkvöldi barst Neyðarlínu tilkynning um slys í Hveragerði þar sem drengur, sem virðist hafa verið einn að leik, fæddur 2006, hafði klemmst af vörulyftu á vöruflutningabíl við heimili hans þar. Lögregla og sjúkralið fór þegar á staðinn en tilraunir til endurlífgunar drengsins báru ekki árangur og var hann úrskurðaður látinn á vettvangi.
Þetta kemur fram í tilkynningu frá lögreglunni. Þar segir enn fremur:
Tildrög slyssins eru til rannsóknar hjá rannsóknardeild Lögreglunnar á Suðurlandi og tæknideild Lögreglu Höfuðborgarsvæðisins. Ekki er unnt að veita nánari upplýsingar um slysið að svo stöddu né heldur um nafn drengsins.
