Þorpsbúar telja hann vera Hindúa-guðinn Hanuman
Hin fjögurra barna móðir, Khalida Bagum, eignaðist á dögunum son sem er nokkuð ólíkur systkinum sínum. Drengurinn, sem hefur enn ekki fengið nafn, er með gríðarlega sjaldgæfan genagalla sem gerir að verkum að húð barnsins verður þykk og útlitið afmyndað. Þá er drengurinn einnig með alvarlegan fæðingargalla sem kallast Anencephaly.
Það þýðir að heilinn þorskast ekki fullkomlega og leiðir yfirleitt til dauða skömmu eftir fæðingu.
Þorpsbúar í þorpinu Kadamgachi í Kathiahar héraði á Indlandi, þar sem drengurinn fæddist, flykkjast nú að til að skoða barnið. Þeir trúa því að hann sé persónugervingur Hindúa-guðsins Hanuman.
Khalida kveðst í samtali við indverska fjölmiðla hafa verið mjög brugðið þegar hún sá son sinn í fyrsta skipti.
„Ég trúði ekki ég hefði fætt son sem lítur út eins og geimvera. Þetta fékk svo á mig að ég bað ljósmóðurina um að fara með barnið út úr herberginu.“
Þá segir hún:
„Hin börnin mín eru alheilbrigð. Þess vegna tók það mig nokkra stund að koma yfir áfallið.“ Faðir drengsins hefur einnig tekið veikindum sonarins með stóískri ró. Meðal annars sagði hann í viðtali að mögulega hefði drengurinn verið sendur til þeirra til að vera sýningargripur.
Nokkrum klukkustundum síðar, þegar hún var búin að jafna sig, setti hún barnið á brjóst og ætlar að njóta tímans sem eftir er. Ekki er talið að drengurinn muni lifa nema í mesta lagi nokkra daga til viðbótar.