Orkan náttúrunnar varar við auknum styrk brennisteinsvetnis í andrúmsloftinu næstu daga. Veðurfarslegar aðstæður skýri það. Þetta kemur fram í tilkynningu frá fyrirtækinu.

Þar segir að við sérstök veðurskilyrði, eins og nú, „myndast svokölluð veðrahvörf sem gufan og brennisteinsvetnið sem eftir er í henni, fer ekki uppúr og dreifist því minna en ella og berst undan austanáttinni til borgarinnar.“

Fram kemur að Orka náttúrunnar hreinsi nú, eða frá síðasta sumri, tvo þriðju hluta brennisteinsvetnisins sem berst með gufunni sem Hellisheiðarvirkjun nýtir. Líkur á að stykur brennisteinsvetnis fari yfir mörk sé því minni en áður.