Fréttir

Fallegasta saga dagsins: Safnaði milljónum fyrir heimilislausan mann sem kom henni til hjálpar

Einar Þór Sigurðsson
Fimmtudaginn 23. nóvember 2017 19:00

Góð ráð voru dýr þegar hin 27 ára gamla Kate McClure varð bensínlaus á þjóðvegi nærri Philadelphiu í Bandaríkjunum á dögunum. Kate vissi varla í hvorn fótinn hún ætti að stíga þegar ungur maður, sem var heldur illa til fara, vatt sér upp að henni.

Maðurinn, sem virtist vera heimilislaus, spurði Kate hvort hann gæti mögulega aðstoðað hana. Kate var ekki með neinn pening á sér en það skipti engu máli. Ungi maðurinn var með einn tuttugu dollara seðil í vasanum – aleiguna sína – og bauðst hann til að ganga á bensínstöð skammt frá og kaupa fyrir hana eldsneyti.

Kate var hissa á hjálpsemi mannsins en þáði hana þó með þökkum. Nokkru síðar sneri maðurinn til baka með bensínbrúsa og aðstoðaði hann hana við að setja eldsneytið á bílinn. Þar sem Kate var ekki með neinn pening á sér lofaði hún að hún myndi koma aftur og endurgreiða honum.

Kate gerði það og tókust á góð kynni með þeim í kjölfarið. Hún kom nokkra daga í röð, lét hann hafa peninga, mat og föt en setti svo af stað söfnun fyrir manninn, Johnny Bobbitt Jr. Það er skemmst frá því að segja að góðverk Johnny hafi borgað sig svo um munar því þegar þetta er skrifað hefur Kate safnað 60 þúsund Bandaríkjadölum fyrir hann, rúmum sex milljónum króna.

Bobby er 34 ára gamall og hefur hann verið á götunni um nokkurt skeið. Ef fer sem horfir verður þess ekki langt að bíða að hann geti fengið skjól yfir höfuðið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Kötturinn sem Davíð Oddsson dekraði fallinn frá

Kötturinn sem Davíð Oddsson dekraði fallinn frá
Fréttir
Í gær

Tryggvi fastur á Landspítalanum í átta mánuði – „Börnin eru bara að molna niður“

Tryggvi fastur á Landspítalanum í átta mánuði – „Börnin eru bara að molna niður“
Fréttir
Fyrir 2 dögum

Líkamsárás í Breiðholti – Ökumenn í vímu

Líkamsárás í Breiðholti – Ökumenn í vímu
Fréttir
Fyrir 2 dögum

Slökkvistarf stendur enn yfir á Hvaleyrarbraut – Ekki vitað um eldsupptök

Slökkvistarf stendur enn yfir á Hvaleyrarbraut – Ekki vitað um eldsupptök
Eyjan
Fyrir 2 dögum

Óþægilegt fyrir alla

Óþægilegt fyrir alla
Fréttir
Fyrir 2 dögum

Einn af hverjum þremur Íslendingum les ekki bækur á íslensku

Einn af hverjum þremur Íslendingum les ekki bækur á íslensku
Fréttir
Fyrir 3 dögum

Arnrún lenti í óhugnanlegu atviki: „Hryllir við því hvað hefði getað gerst“ – Hvetur fólk til að fara varlega

Arnrún lenti í óhugnanlegu atviki: „Hryllir við því hvað hefði getað gerst“ – Hvetur fólk til að fara varlega
Fréttir
Fyrir 3 dögum

Harpa – Á meðan ég eldaði kvöldmatinn sprautaði hann sig inni á klósetti og var næstum dáinn

Harpa – Á meðan ég eldaði kvöldmatinn sprautaði hann sig inni á klósetti og var næstum dáinn