Fazilet Hadi, sem hefur verið blind frá barnæsku hyggst ganga þvert yfir Ísland í byrjun október. Tilgangurinn er að safna fé fyrir blindrasamtök Englands og styðja við bakið á þeim sem misst hafa sjónina.
Fazilet var kornung þegar sjón hennar byrjaði að versna og eftir því sem árin liðu varð sjónin verri. Þegar hún byrjaði í háskóla var ástandið orðið svo slæmt að hún komst ekki ferða sinna hjálparlaust.
Greint er ferð Hadi á vef The Comet þar sem hún segir að hér sé á ferð ákveðin áskorun sem muni gefa henni tækifæri á því að gefa eitthvað til baka til samtakanna sem hafi stutt hana ötullega í gegnum tíðina. Hyggst hún meðal annars heimsækja eldfjallasvæði á suðvesturhorninu og halda upp á 59 ára afmælið sitt í kofa.
Hún viðurkennir að vissulega örli á kvíða hjá sér fyrir ferðina enda ómögulegt að segja til um hvort veðurskilyrðin verði henni í hag eða ekki. „En nú er ekki um annað að ræða en að drífa í þessu,“ segir hún.
