Starfsfólk Blóðbankans vill minna blóðgjafa á þörfina fyrir blóðgjöf þessa dagana . Nú þegar margir eru á faraldsfæti, enda standa sumarfrí sem hæst um þessar mundir, er orðið erfiðara að ná í blóðgjafa.
Blóðbankann vantar blóð í öllum blóðflokkum og eru blóðgjafar minntir á að koma við í Blóðbankanum áður en þeir fara út á land eða erlendis.
Blóðbankinn í Reykjavík er til húsa á Snorrabraut 60. Þeir sem eru norðan heiða geta gefið blóð í Blóðbankanum á sjúkrahúsinu á Akureyri.
