Reyklausi dagurinn er í dag, 31 maí og er sá dagur tileinkaður baráttunni gegn reykingum. Breska Telegraph tók af því tilefni saman þau lönd heimsins þar sem mest er reykt af sígarettum og einnig þau lönd þar sem minnst er notað af tóbaki.
Íbúar þeirra landa sem lituð eru í dekkri litum á meðfylgjandi korti reykja hvað mest en eftir því sem litirnir verða ljósari minnkar tóbaksneyslan. Líkt og sjá má trónir Austur Evrópa á toppnum, rétt eins og hvað varðar áfengisneyslu.
Flestir reykingamenn eru í Montenegro þar sem hver fullorðinn einstaklingur reykir að 4.124 sígarettur á ári samkvæmt úttekt Alþjóðaheilbrigðissamtakanna frá árinu 2014. Hvíta Rússland, Líbanon, Makedónía, Rússland, Slóvenía, Belgía, Lúxemborg, Kína og Bosnía-Hersegóvína fylgja á eftir og verma tíu efstu sætin.
Þá vermir Bretland 73. sætið á listanum og Bandaríkin eru í 58.sæti.
Íbúar Gíneu geta hreykt sér af því að vera það land i heiminum þar sem minnst er reykt og það sama má segja um íbúa eyjaríkjanna í Kyrrahafi en Salómoneyjar, Kiribati og Vanuatu fylgja á hæla Gíneu á listanum yfir þau lönd þar sem tóbaksneysla er minnst. Samkvæmt umræddri úttekt eru sterk tengsl á milli efnahagslegrar velferðar og tóbaksneyslu.