Uppfært kl. 20.25 Búið er að opna Þingvallaveg
Þingvallavegi hefur verið lokað vegna umferðarslyss. Þetta kemur fram á Facebook-síðu lögreglunnar. Þar er ökumönnum bent á að hægt sé að komast um Kjósaskarðsveg.
Ef farið er frá Reykjavík geta ökumenn ekið Vesturlandsveg, inn í Hvalfjörð og þaðan inn Kjósaskarðsveg. Þeir sem eru á leið frá Þingvöllum geta farið Þingvallaveg að Kjósaskarðsvegi og svo hvalfjarðarveg. Ekki er vitað hvenær Þingvallavegur opnar að nýju.
RÚV greinir frá því að mótorhjólamaður hafi dottið af hjóli sínu og er hann sagður vera alvarlega slasaður. Maðurinn var fluttur á Landspítalann.