Samtök atvinnulífsins vilja að sveitarfélögum landsins verði fækkað úr 74 í níu. Tilgangurinn sé að ná fram hagræðingu í rekstri. Þetta kemur fram í skýrslu á efnhagssviði samtakanna en Fréttablaðið greinir frá í dag.
Sameining gæti leitt til þess að svigrúm verði til að færa fleiri stór verkefni frá ríki til sveitarfélaga. Fram kemur í skýrslunni að samstarfsverkefni sveitarfélaganna séu í dag 328. Samskipti milli sveitarfélaga séu flókin og dýr.