fbpx
Miðvikudagur 20.febrúar 2019
Fókus

Íslendingarnir sem „meikuðu“ það án menntunar

Fókus
Þriðjudaginn 5. febrúar 2019 21:00

Ekki missa af Helstu tíðindum dagsins í pósthólfið þitt

Lesa nánar

Í síðustu viku tók DV saman helstu dúxa sem hafa verið til umfjöllunar í fjölmiðlum í gegnum árin. Eins og vænta mátti höfðu þeir allir komið ár sinni vel fyrir borð. Það er þó ekki sagt að menntunarleysið sé hamli framgangi fólks í lífinu. DV tók því saman þjóðþekkta Íslendinga sem hafa látið skyldunámið duga.

Þrír alþingismenn hafa aðeins lokið grunnskólaprófi. Það eru Sjálfstæðismaðurinn Ásmundur Friðriksson, Píratinn Helgi Hrafn Gunnarsson og Lilja Rafney Magnúsdóttir, þingkona Vinstri grænna. Ásmundur og Helgi Hrafn eru á sínu öðru kjörtímabili sem alþingismenn en Lilja Rafney á sínu þriðja.

Helgi Hrafn Gunnarsson
Lilja Rafney Magnúsdóttir
Ásmundur Friðriksson.

Jón Gnarr, fyrrverandi borgarstjóri, er annað dæmi um stjórnmálamann sem gekk ekki menntaveginn. Reyndar er Jón marghamur og því ef til vill ósanngjarnt að setja hann undir hatt stjórnmálanna. Undanfarið hefur Jón tekið upp þráðinn að nýju varðandi framleiðslu á skemmtiefni. Hann var einn af höfundum áramótaskaupsins, stendur fyrir útvarpsþáttunum Tvíhöfða á RÚV og stígur á svið með uppistand víða um bæ.

Jón Gnarr er smekkmaður, eða hvað?

 

Óhætt er að fullyrða að kjaramál verði áberandi í þjóðfélagsumræðunni á næstunni. Tveir verkalýðsleiðtogar luku eingöngu grunnskólanámi, en það eru þau Sólveig Anna Jónsdóttir, formaður Eflingar, og Vilhjálmur Birgisson, formaður Verkalýðsfélags Akraness.

Vilhjálmur Birgisson
Sólveig Anna Jónsdóttir

Einn fremsti rappari þjóðarinnar er án efa Gísli Pálmi Sigurðsson. Lítið hefur farið fyrir kappanum undanfarin misseri og bíða aðdáendur spenntir eftir meira efni. Gísli Pálmi er einn þeirra sem fetuðu ekki menntaveginn en hefur ekki látið það stöðva sig í að gera það sem stendur hjarta hans næst og hljóta aðdáun fyrir.

Gísli Pálmi Sigurðsson

Þórhall „Ladda“ Sigurðsson þarft vart að kynna en hann hefur komið víða við á ferli sínum sem spannar fimm áratugi. Hann er ef vill þekktastur sem leikari og skemmtikraftur en hann hefur einnig látið til sín taka sem söngvari, tónskáld, handritshöfundur og síðast en ekki síst sem myndlistarmaður. Laddi lauk aldrei leiklistarnámi en í ævisögu sinni Laddi sem kom út árið 1991 rifjar hann upp stopula skólagöngu í leiklistardeild UCLA í byrjun níunda áratugarins.

Bubbi Morthens, einn fremsti tónlistarmaður þjóðarinnar, hlaut sína menntun í skóla lífsins en að loknum grunnskóla tók við verbúðalíf og ýmis önnur störf áður en hann haslaði sér völl á tónlistarsviðinu. Bubbi hefur áður greint frá því í viðtölum að hann sé skrifblindur en honum gekk að eigin sögn „hræðilega“ í barnaskóla. Styrkleikar hans hafa augljóslega fengið að njóta sín á öðrum sviðum.

Fókus
Á Fókus finnur þú umfjöllun um fólk, bæði í fréttamolum og styttri og lengri viðtölum, Tímavélina, umfjöllun um menningu: bækur, kvikmyndir og sjónvarp, leiklist, tónlist og tónleika, viðburði,
próf, gjafaleiki og fleira. Ert þú með ábendingar, hugmyndir eða efni fyrir Fókus, upplýsingar um viðburði, eða annað? Sendu okkur þá línu á fokus@fokus.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Bára uppljóstrari verður spunameistari – Heldur út í óvissuna

Bára uppljóstrari verður spunameistari – Heldur út í óvissuna
Fókus
Fyrir 2 dögum

Ef erlent kvikmynda- og sjónvarpsefni væri allt „döbbað“ á Íslandi: „Vitki er aldrei seinn“ – Sjáðu myndböndin

Ef erlent kvikmynda- og sjónvarpsefni væri allt „döbbað“ á Íslandi: „Vitki er aldrei seinn“ – Sjáðu myndböndin
Fókus
Fyrir 2 dögum

IceQueen-nafninu stolið af Ásdísi Rán: „Mér finnst þetta virkilega leim“

IceQueen-nafninu stolið af Ásdísi Rán: „Mér finnst þetta virkilega leim“
Fókus
Fyrir 2 dögum

Sjáið myndbandið: Ótrúleg umbreyting á Hirti Jóhanni

Sjáið myndbandið: Ótrúleg umbreyting á Hirti Jóhanni
Fyrir 3 dögum

Foreldrar og barn drukknuðu á sömu slóðum en ekki á sama tíma

Foreldrar og barn drukknuðu á sömu slóðum en ekki á sama tíma
Fyrir 3 dögum

Tímavélin: Vinnumaður í Bárðardal kæfði verðandi barnsmóður sína

Tímavélin: Vinnumaður í Bárðardal kæfði verðandi barnsmóður sína