Rann­sókn lög­reglunnar í Grea­ter Manchester á máli ís­lenska knatt­spyrnu­mannsins Gylfa Þórs Sigurðs­sonar er lokið og er málið nú komið á borð Sak­sóknara­em­bættis bresku krúnunnar. Þetta stað­festir em­bættið í svari til Frétta­blaðsins.

Gylfi Þór var hand­tekinn í júlí árið 2021, grunaður um kyn­ferðis­brot gegn ó­lög­ráða ein­stak­lingi, stuttu eftir hand­töku var hann látinn laus gegn tryggingu, hefur fyrir­komu­lagið verið slíkt síðan þá og lausn Gylfa gegn tryggingu í nokkur skipti verið endur­nýjuð.

Í svari við fyrir­spurn Frétta­blaðsins segist tals­maður Sak­sóknara­em­bættis bresku krúnunnar ekki geta svarað því hversu margir hafi verið yfir­heyrðir í tengslum við málið.

,,Við fengum í hendurnar gögn frá lög­reglunni á Grea­ter Manchester svæðinu þann 31. janúar síðast­liðinn í kjöl­far rann­sóknar hennar á á­sökunum um ítrekuð kyn­ferðis­brot. Við erum þessa stundina að leggja mat á gögnin í sam­ræmi við okkar ferli,“ segir í svari talsmanns Sak­sóknara­em­bættis bresku krúnunnar við fyrir­spurn Frétta­blaðsins.

Enn fremur segir í svari em­bættisins að ekki sé hægt að segja með vissu hve­nær hægt verður að búast við á­kvörðun um næstu skref í málinu.