Fyrrum landsliðsmaðurinn og nú landsliðsþjálfarinn Snorri Steinn Guðjónsson var gestur í nýjasta þætti Íþróttavikunnar. Helgi Fannar Sigurðsson og Hrafnkell Freyr Ágústsson hafa umsjón með þættinum.
Nú styttist í næsta stórmót hjá Strákunum okkar en HM í Þýskalandi er í janúar. Snorri hefur auðvitað oft farið á stórmót sem leikmaður en fer nú í fyrsta sinn sem þjálfari.
Íslenska þjóðin er ávalt límd við skjáinn á stórmótum og var hann spurður að því hvort finni fyrir pressu sem fylgir því.
„Í minningunni hafði þetta ekkert mikil áhrif. Undanfarið hefur þetta kannski orðið sýnilegra, með samfélagsmiðlum og öllu þessu. Þú ert nær öllu en þegar ég var að spila,“ sagði hann.
Miklar væntingar voru gerðar til íslenska liðsins á HM á þessu ári en þá var Guðmundur Guðmundsson enn þjálfari liðsins. Stóðst liðið þær ekki.
„Á síðasta móti skildi ég ekki alveg hvað var að gerast í þjóðfélaginu. Án þess að hafa einhver rök á bak við það vorum við einhvern veginn orðnir heimsmeistarar. Ég vildi samt ekki vera neikvæði gaurinn sem var að skjóta þetta niður,“ sagði Snorri léttur í bragði.
Umræðan í heild er í spilaranum.