12 evrópsk stórlið á knattspyrnusviðinu tilkynntu seint í gærkvöldi að þau hafi tekið saman höndum um stofnun Ofurdeildar, The Super League. UEFA er alfarið á móti þessu og hótaði í gær að útiloka liðin og leikmenn þeirra frá þátttöku í öllum mótum á alþjóðasviðinu. Þá hafa knattspyrnusamböndin í Englandi, Spáni og á Ítalíu hótað að reka liðin úr deildarkeppnunum þar í landi.
Markmiðið með deildinni er að til verði keppni þar sem 15 lið eiga alltaf fast sæti en árlega fái 5 önnur lið aðgang að keppninni.
Liðunum verður skipt í tvo 10 liða riðla þar sem liðin leika heima og að heiman gegn hvert öðru. Leikið verður í miðri viku og ætla liðin að vera áfram með í deildarkeppnunum í heimalöndum sínum. Þrjú efstu liðin úr hvorum riðli fara síðan beint áfram í átta liða úrslit þar sem leikið verður heima og að heiman með útsláttarfyrirkomulagi. Liðin í fjórða og fimmta sæti riðlanna leika um lausu sætin tvö í átta liða úrslitunum. Þau tvö lið sem komast í úrslitin leika síðan einn leik til úrslita um sigur í deildinni
Stofnfélög deildarinnar eru:
Arsenal
Chelsea
Liverpool
Manchester City
Manchester United
Tottenham
Atlético Madrid
Barcelona
Real Madrid
AC Milan
Inter Milan
Juventus.
Bayern München og Paris Saint German auk fleiri þýskra og franskra liða höfnuðu boði um að vera með í Ofurdeildinni.
Fjöldi íslenskra aðila hafa tjáð sig um málið og margir hóta því að hætta að halda með félaginu sínu, þá umræðu má sjá hér að neðan.
Bíð eftir fréttinni um að úrslitaleikur nýju Ofurdeildarinnar verði spilaður í Katar. #fotboltinet
— Elvar Geir Magnússon (@elvargeir) April 19, 2021
Gleðilegt að sjá að mínir menn @KRreykjavik séu ekki að taka þátt í þessu Super League rugli. Menn greinilega að standa í lappirnar og standa með fans. #fotboltinet #allirsemeinn
— Guðjón Guðmundsson (@gudjongudmundss) April 19, 2021
Þetta er nú meira helvítis ruglið sem er í gangi.. Ég mun ekki horfa á þetta rugl.. verið að skemma rómantíkina í fótboltanum..
Orðlaus…#fotboltinet#fucksuperleague#SayNoToSuperLeague https://t.co/OojxhB9mur— Guðmundur Már Hilmarsson (@Mummimar) April 19, 2021
Oft talað um að karlmenn eigi erfitt með að tjá tilfinningar sínar. Það er ekki að sjá í umræðu fótboltatwitter um ofurdeildina.
— Katrín Atladóttir (@katrinat) April 19, 2021
Ef Jurgen Klopp ætlar að fara út sem mesta goðsögn í sögu Liverpool þá segir hann upp sem knattspyrnustjóri strax í fyrramálið.
Skandall sem er að gerast í knattspyrnuheiminum.
— Gunnar Jarl Jónsson (@gunnar_jarl) April 18, 2021
Ofurdeild í knattspyrnu ? Slíkt módel hefur verið keyrt í tvo áratugi í körfunni í Evrópu – þar sem aðeins útvöldum liðum er boðið að kaupa sig inn. Stórlið á borð við Barcelona, Bayern M., CSKA Moskva, Milan… hafa öll góða fjárhagslega reynslu af þessu. pic.twitter.com/eb1JJdNLg2
— Sigurður Elvar Þórólfsson (@sigelvar) April 18, 2021
Að halda með alþjóðlegum fégráðugum stórfyrirtækjum. Eða bara einbeita sér að ástríðunni í Lengjudeildinni. #fotbolti
— Þorkell Gunnar Sigurbjörnsson (@thorkellg) April 18, 2021
Galið að Valsarar séu ekki í super league.
— Hrafnkell Freyr Ágústsson (@hrafnkellfreyr) April 18, 2021
nokkur lið vilja stofna sitt eigið mót og valdasjúklingarnir í uefa afhjúpa ofstæki sitt 🤷♂️ hlakka til að horfa á ofurdeildina https://t.co/xdURBR65r8
— Elfar Freyr Helgason (@elffhel) April 18, 2021
Jesús minn almáttugur hvað þetta Glazer gerpi er rotið
— Sæbjörn Steinke (@saebjornth) April 18, 2021
Gary er gjörsamalega að jarða Liverpool og Man Utd hérna. Þetta er rosaleg ræða og ég gæti ekki verið meira sammála. https://t.co/pFQUdqEvIX
— Máni Pétursson (@Manipeturs) April 18, 2021
Ég hef oft spáð í því af hverju það gerðist að ég haldi með Manchester United alþjóðlegu stórfyrirtæki og oft ekki skilið það. Það er sennilega eitthvað mjög gamalt og gott + virðing fyrir því að ala upp góða leikmenn og spila skemmtilegan bolta, en núna er ég efins um framtíðina
— Þossi (@thossmeister) April 18, 2021
Það furðulegasta við þessa ofurdeild er að stjórnendur félaganna 12 virðast ekki hafa minnstu hugmynd um að fegurðin við fótbolta, sem gerir hann að vinsælustu íþrótt í heimi, er að nánast allir geta unnið alla. #fotboltinet
— Konráð S. Guðjónsson (@konradgudjons) April 18, 2021
Öll erlendu fótboltaliðin mín eru að taka þátt í eyðileggingu fótboltans með þessu helvítis super league kjaftæði. Þarf að endurskoða mín mál og nokkuð ljóst að ég get ekki stutt þessi lið lengur ef þetta fer endalega í gegn.
— Baldvin Már (@baldvinmb) April 18, 2021
Ég ætla að einblína á stuðning minn fyrir Dortmund héðan í frá. Flottastir að hafa sagt þessari ógeðslegu ofurdeild að fokka sér. Glazerarnir og Florentino Perez mega þamba drullu mín vegna.
Ég er brjálaður yfir þessu. Þetta er svo dirty útspil að það nær engum áttum.
— Hilmar Jökull (@HilmarJokull) April 18, 2021
Ég er eldri en tvævetur og hef nálega enga trú á að þetta súperdeildarrugl verði meira en störukeppni sem endar á að frekjukrakkarnir fá aðeins meiri pening og völd. Í versta falli mun fólk unnvörpum gerast Luton-stuðningsmenn og ég verð meinstrím. Það yrði djöfullegt.
— Stefán Pálsson (@Stebbip) April 18, 2021
Jæja. Ofurdeild Evrópu. Þetta gerðist mun hraðar en ég bjóst við en bara næsta skref í því að stóru lið álfunnar ráði örlögum allra. Skulum alveg átta okkur á því að PL og CL voru stofnuð fyrir þau og drápu alls konar sjarma.
— Magnús Þór Jónsson (@maggimark) April 18, 2021
Fegurðin við leiki eins og Liverpool v Real eða Man Utd v Barcelona er að slíkir leikir gerast ekki oft. Besta leiðin til að drepa slíkt sjónarspil er að bjóða upp á það í hverri viku. hvernig er spes að þitt enska lið spili við Barcelona ef það gerist 2x á hverju ári?!
— Kristján Atli (@kristjanatli) April 18, 2021
