Nokkrir leikir fóru fram í Reykjavíkurmóti karla í kvöld. KR vann Fjölni og þá unnu Víkingur R. stórsigur á Þrótti R. Lestu um öll úrslit kvöldsins hér.
Í B-riðli tók KR á móti Fjölni á gervigrasvelli sínum í Vesturbænum. Leikurinn endaði með 3-2 sigri KR þar sem að Óskar Örn Hauksson gerði sér lítið fyrir og skoraði öll mörk Vesturbæinga. KR er eftir leikinn í 2. sæti riðilsins með 6 stig úr tveimur leikjum. Fjölnir er í 3. sæti með 0 stig.
Í hinum leik B-riðils tók Fylkir á móti Fram í Árbænum. Leikurinn endaði með 3-2 sigri heimamanna. Staðan var 2-2 áður en að Hákon Ingi Jónsson skoraði sigurmark Fylkis á 62. mínútu. Fylkir er eftir leikinn í 1. sæti riðilsins með 6 stig eftir tvo leiki. Fram er í 4. sæti með 0 stig.
Í A-riðli mættust Þróttur R. og Víkingur R. á Víkingsvelli. Staðan var 3-1 fyrir Víkinga er flautað var til hálfleiks, Víkingar bættu síðan við þremur mörkum í síðari hálfleik. Leikurinn endaði með 6-1 stórsigri Víkinga sem eru eftir leikinn í 2. sæti riðilsins með 3 stig eftir tvo leiki. Þróttarar eru í 5. sæti með 0 stig.
Í hinum leik A-riðils var Breiðholtsslagur er ÍR tók á móti Leikni R. Viktor Marel Kjærnested tryggði Leiknismönnum sigur með eina marki leiksins á 41. mínútu. Leiknir er eftir leikinn í 3. sæti riðilsins með 3 stig. ÍR er í 4. sæti með 0 stig.
A-riðill
Þróttur R. 1 – 6 Víkingur R.
0-1 Helgi Guðjónsson (’14)
0-2 Nikolaj Andreas Hansen (’23)
1-2 Daði Bergsson (’38)
1-3 Nikolaj Andreas Hansen (’45)
1-4 Erlingur Agnarsson (’66)
1-5 Sigurður Steinar Björnsson (’78)
1-6 Tómas Guðmundsson (’90+1)
ÍR 0 – 1 Leiknir R.
0-1 Viktor Kjærnested (’41)
B-riðill
KR 3 – 2 Fjölnir
0-1 Viktor Andri Hafþórsson (’24)
1-1 Óskar Örn Hauksson (’32)
1-2 Arnór Breki Ástþórsson (’41)
2-2 Óskar Örn Hauksson (’52)
3-2 Óskar Örn Hauksson (’81)
Fylkir 3 – 2 Fram
0-1 Albert Hafsteinsson (‘1)
1-1 Óskar Borgþórsson (’25)
2-1 Orri Hrafn Kjartansson (’45+2)
2-2 Aron Snær Ingason (’48)
3-2 Hákon Ingi Jónsson (’62)
