,,Ég hef oft veitt hérna og aldrei séð svona marga hérna. Það voru veiðimenn út um allt vatn á laugardaginn um leið og fréttir fóru að berast af góðri veiði vatninu á föstudaginn,“ sagði veðimaður sem renndi fyrir fisk eins og hinir allir um helgina við Hreðavatn.

Sjaldan hefur verið eins mikill fjöldi við vatnið að veiða eins og laugardag og sunnudag. Þegar mest var taldi veiðimaður um 70 veiðimenn að veiða og veiðimenn voru að veiða eitthvað af fiski.

,,Við vorum að byrja og höfum ekki veitt hérna áður, flott hérna við vatnið,“ sagði hópur veiðimenn sem var við vatnið innst og var að gera sig klára til veiða.

,,Við fengum tvo fiska og börnin fengu einn á mann,“ sagði annar veiðimaður sem var að hætta veiðum með fjölskylduna. Það er gaman að sjá veiðimenn á öllum aldrei veiða við vatnið því veiðivonin er mikil og útiveran góð.“

Mynd. Veiðimenn gera sig klára við Hreðavatn á laugardaginn. Mynd GB