,,Ég er búinn að stunda rjúpu frá 1980 og oft farið færri, jafnvel mun færri ferðir, en í ár. Aldrei farið í gegnum heilt tímabil án þess að fella svo mikið sem einn fugl. Göngurnar með hundinum voru góðar svo ég er ekki að grenja. Það er enginn vafi í mínum huga að fjöldi fugla þetta árið er sá minnsti sem ég hef upplifað,“ segir skotveiðimaður  inn á Rjúpnaveiði á facebook og það taka margir í sama streng.

Annar veiðimaður tók í sama streng og sagðist hafa fengið helling sex veiðidaga á svæði sem hann þekkir. Hann gekk næstum 65 km og hann fékk einn fugl. Hann segist hafa veitt rjúpu síðan 1993 og aldrei séð eins lítið af fugli.

Svona má lengi telja. Þeir sem voru með hunda fengu aðeins meira en alls ekki mikið.  Við heyrðum í veiðimönnum sem voru á Holtavörðuheiði fyrstu helgina og þeir fengu lítið. Næstu helgi á eftir var sama sagan.

Margir fóru mörgum sinnum og fengu lítið sem ekkert. Það virðist ekki vera mikið af fugli  víða um land  og ef menn fundu fugla voru þeir ljónstyggir.

Það er erfitt að henda reiður á hvað hefur verið mikið skotið. Það verður tíminn að leiða í ljós, kannski 10  til 12 þúsund rjúpur. Þetta er samt bara ágiskun.

Mynd. Labba, labba og leita. Þessi lýsing á vel við um þetta rjúpnaveiðitímabil. Mynd GB