Þrátt fyrir miklar væntingar með sumarið og þá sérstaklega með villta laxinn, er þetta sjötta slakasta veiðin á villtum laxi á stöng í næstum 46 ár.  Í sumar veiddust 23.500 villtir laxar á stöng og það merkilega er að margir þeirra veiddust ofar en einu sinni.

Adrei hefur fleiri  löxum verið sleppt aftur í árnar  hin síðustu árin eftir að þeir hafa tekið agn veiðimanna. Það virðist alls ekki skila miklu.

Auðvitað þarf að skoða veiðina og dæmið í heilt sinni miklu betur. Hverju er þessi stefna að skila og gera fyrir veiðiárnar. Það þarf rannsóknir sem segja eitthvað fyrir veiðiárnar og skila einhverju til lengri tíma litið.

Þetta kemur allt fram  með veiðitölurnar á vef Hafrannsóknarstofnunar, en það veiddust 13.500 fleiri laxar núna í sumar  en fyrir ári síðan. Frábær veiði var í Eystri Rangá og hafa komið þar  á land  um 8600 laxar og ennþá er verið að veiða í henni. Og það er veitt til 20.október.

Við heyrum í veiðimönnum sem voru þar fyrir fáum dögum og voru búnir að fá níu laxa og dagurinn var ekki úti. Þeir bættu við tveimur sem er gott um miðjan október.

Sjóbirtingur hefur verið að veiðast víða. Í ám sem ekki hefur gefið þá marga í gegnum árin en bleikjunni fækkar og fækkar. Það er alls ekki góð tíðindi.