Veðurfarið um helgina verður með ólíkindum um nær allt land. Það verður að öllum líkindum hægt að renna fyrir fisk og það ætlar Marinó Heiðar Svavarsson að gera í nágrenni Dalvíkur. Of erfitt er að fara á fjöll til rjúpna en spáin getur verið þannig.

,,Ég er búinn að fara tvisvar í vikunni og ætla reyna um helgina,“ sagði Marinó Heiðar í samtali við Veiðipressuna.

,,Ég kíkti aðeins í vikunni í Hrísatjörn og þar er svolítið af urriða. Fékk að vísu ekkert en fór daginn eftir og það var sama. Þarna má veiða allt árið og virkilega gaman að renna þarna fyrir fisk. Skaust í gær og missti einn. Helgin lítur vel út sól og blíða. Maður tekur vöðlurnar úr geymslunni aftur. Það var alveg  óþarfi að pakka þeim saman strax,“ sagði Marinó í lokin.

Mynd. Flugunni kastað fyrir fiska í Hrísatjörn í vikunni Mynd MHS