Í vikunni birti New York Times greiningu þar sem fram kom að Donald Trump, Bandaríkjaforseti, hefði sinnt mun færri verkefnum á fyrstu tíu mánuðum seinni forsetatíðar sinnar en á fyrri forsetatíðinni. Samkvænt greiningu blaðsins á dagskrá Trumps, sem er 79 ára gamall, hafði hann aðeins klárað 1.029 verkefni á þessu tímabili samanborið við 1.688 á sama tímabili.

Greinin kveikti enn á ný undir umræðum um heilsufar Trump sem margir telja að fari augljóslega hrakandi.

Einn þeirra er læknirinn Vin Gupta, sem er sérlegur álitsgjafi hjá NBC fréttastöðinni. Hann segir að vitsmunaleg hrönun forsetans sé augljós og nefnir sem dæmi hæg viðbrögð forsetans á dögunum þegar að Gordon Findlay, framkvæmdastjóri heilbrigðismála hjá lyfjarisanum Novo Nordisk, féll í yfirlið á blaðamannafundi á skrifstofu forsetans.

„Hann sýndi engin merki um að hafa einhverjar áhyggjur. Hann gerði í raun ekkert. Hann var hægur að bregðast við og það sést á opinberum viðburðum að hann er orðinn hægari og þreyttari,“ segir Gupta.

Segja má að Trump sé að einhverju leyti fórnarlamb eigin hörku í garð forvera síns, Joe Biden, en Trump gerði harða atlögu að honum varðandi heilsufar og meinta hrörnun hans á sínum tíma.

Og eins og búast mátti við var Trump allt annað en sáttur við grein New York Times. Sagði hann að greining blaðsins væru falsfréttir og að allt sem blaðið skrifaði um hann væri neikvætt. Þá fullyrti hann að hann væri við hestaheilsu.