Hin 27 ára gamla franska Ombeline Daragon keypti flugmiða aðra leið fyrir fimm árum með 250 þúsund krónur á reikningum. Þessi fimm ár hefur hún „búið í bakpoka“ og ferðast til 32 landa.
Daragon ferðast um nýja staði og kynnist nýrri menningu eins ódýrt og mögulegt er, á meðan hún vinnur fjölbreytt störf, eins og að strita sem rithöfundur, listamaður, námustjóri, bátaviðgerðarmaður, bóndi, kokkur og au pair, allt með því markmiði að halda áfram að ferðast.
„Eftir að hafa búið í bakpoka í fimm ár hef ég lært að fyrstu 24 klukkustundirnar í nýju landi geta annað hvort verið draumur eða algjör hörmung,“ sagði Daragon við CreatorZine. „Hvort sem þú ert á leið inn í iðandi borg eða afskekktan strandbæ, þá eru þetta mínar ófrávíkjanlegu reglur til að ferðast án óþarfa streitu“.
Hún byrjar á að hlaða niður Google Maps án nettengingar fyrir fyrirhugaðan áfangastað, sem tryggir að hún viti alltaf hvar hún er stödd, og þegar það á við hvert bílstjórinn er að fara með hana.
„Treystu aldrei eingöngu á Wi-Fi í vélinni. Áður en þú ferð um borð í flug skaltu hlaða niður Google Map án nettengingar fyrir áfangastaðinn þinn.“
@nypostFor those who long to see the world — but have a limited budget to do so — nomad influencer Ombeline Daragon has a few tips to travel to top destinations at an affordable clip. Learn more at the link in bio.
Hún leggur áherslu á mikilvægi eins dags rafræns korts fyrir fyrsta daginn í ókunnugu landi. „Það hjálpar mér í gegnum þennan mikilvæga fyrsta dag með aðgangi að kortum, þýðingarforritum og samferðaþjónustu,“ sagði Dragon. „Það er hugarró í stafrænum pakka.“
Þriðja ráðin er það að bóka leigubíl fyrirfram þegar komið er á flugvöllinn, þar sem flestir bílstjórar rukka hátt verð í flugstöðinni.
„Það er öruggara, verðið er fast og þú sleppir „ferðamannaskattinum“ strax í upphafi,“ útskýrði Daragon.
Næsta ráð hennar snýst um peninga, þar sem hún ráðleggur að smella alltaf á nei valmöguleikann vegna gengis þegar þú tekur út peninga úr hraðbanka.
„Láttu bankann þinn sjá um breytinguna, þá færðu miklu betri vexti og átt meiri pening fyrir skemmtilegheitin,“ bætti Daragon við.
Að lokum minnir hún á að kaupa SIM-kort í verslun á áfangastað, sem er besti kosturinn til að spara peninga og finna besta pakkann.
„Þú munt finna miklu fleiri áskriftarmöguleika, betri gagnapakka og verulega lægra verð en á „ferðamannatilboðunum“ í flugstöðinni“.
