Bandaríski leikarinn Mickey Rourke safnar nú peningum til að forðast útburð eftir að hafa safnað 60 þúsund dala leiguskuld.
Rourke semþykkti söfnun á GoFundMe, sem heitir Styðjið Mickey til að koma í veg fyrir útburð, en það var vinkona hans Liya-Joelle Jones, sem er einnig meðlimur í stjórnendateymi hans, sem setti söfnunina af stað.
Í lýsingu hvetur hún aðdáendur til að „hjálpa Mickey Rourke að vera áfram heima hjá sér“ og lýsir vini sínum sem „hráum, óhræddum og algjörlega frumlegum“ sem og „tákn um eitthvað sjaldgæft: hætta parað við varnarleysi, seigla parað við hjarta.“
„Líf Mickey fylgdi aldrei öruggri eða verndaðri leið. Á hátindi velgengni sinnar sneri hann baki við Hollywood í leit að sannleika og áreiðanleika og valdi áhættu fram yfir þægindi.
„Áföll kildu eftir varanleg líkamleg og tilfinningaleg ör og iðnaðurinn sem eitt sinn fagnaði honum hélt hratt áfram. Það sem fylgdi voru ár baráttu sem ekki voru skilgreind af sjónarspili, heldur af lifun: heilsufarsvandamál, fjárhagsleg álagt og hljóðlátt áfall þess að vera skilinn eftir.“
Þegar þetta er skrifað hafa næstum 60 þúsund dalir safnast af 100 þúsund dala marki.
Jones segir söfnuninni ætlað að standa straum af brýnum húsnæðiskostnaði Rourke og „veita honum stöðugleika og hugarró á afar stressandi tímum, svo hann geti verið heima hjá sér og fengið rými til að komast aftur á fætur.“
„Mickey Rourke er táknmynd, en ferill hans, hversu sársaukafullur sem hann er, er líka mannlegur. Þetta er saga einhvers sem gaf allt í vinnuna sína, tók raunverulega áhættu og greiddi raunverulegan kostnað. Frægð verndar ekki gegn erfiðleikum og hæfileikar tryggja ekki stöðugleika. Það sem eftir stendur er einstaklingur sem á skilið reisn, húsnæði og tækifæri til að ná fótfestu aftur.“
Þann 18. desember fékk Rourke tilkynningu um að greiða 59.100 dali sem hann á að skulda leigusala sínum, Eric Goldie, í eftirstöðvar leigu eða yfirgefa eignina innan þriggja daga, samkvæmt kæru sem lögð var fram 29. desember.
Í skjölunum er fullyrt að tilkynningin hafi verið hengd upp á lóðinni og send Rourke þar sem hann var ekki heima til að taka við henni. Undirritaði Rourke leigusamning í mars 2025 upp á 5.200 dala mánaðarlega leigu, sem síðan var hækkuð í 7.000 dali. Leigusalinn krefst einnig bóta fyrir lögmannskostnað og „missis“ leigusamnings þeirra.
Eftir að fréttir bárust af hugsanlegum útburði Rourke gaf heimildarmaður Daily Mail nánari upplýsingar um fjárhagsvandamál leikarans.
Rourke er sagður lifa frá launaseðli til launaseðils vegna þess að kvikmyndirnar sem hann hefur verið að gera borga ekki svo mikið fyrir það líf sem hann er vanur.
„Hann er ríkur fátækur ef það er rökrétt. Hann hefur leiðir til að græða verulegar fjárhæðir með því að gera kvikmyndir og raunveruleikaþætti, en hann eyðir þeim svo hratt að hann er kominn á byrjunarreit um það leyti sem hann byrjar að græða peninga,“ sagði heimildarmaðurinn við Daily Mail.
