En lausnin er ekki alltaf kynlíf, þvert á móti.
Hér á eftir fylgja nokkur ráð sem geta hugsanlega kveikt neistann á nýjan leik.
Hættu alveg að stunda kynlíf (um hríð) – Já, þú last rétt. Ef kynlífið er farið að vera vélrænt eða kvöð, þá er kominn tími til að taka sér hlé frá því. Dr Justin Lehmiler, hjá Kinsey Institute, ráðleggur fólki að einbeita sér að líkamlegri nánd án þess að vænta neins. Þetta getur verið nudd, snerting, knús og að gleyma öllu varðandi „nú ríðum við orkuna“. Þetta snýst um að endurbyggja tenginguna og öryggið, án þess að nokkrum finnist hann þurfa að sýna einhverja ákveðna frammistöðu.
Endurnýjaðu fyrsta ástarblossann – Hvað var það fyrsta sem þú féllst fyrir? Hvernig var lyktin? Hvernig brosti hún/hann? Daðraðu eins og þú sért á fyrsta stefnumóti er ráð Peter Saddington, meðferðarráðgjafa. Hann ráðleggur fólki að sleppa því að vera í heimafötunum og að prumpa yfir sjónvarpinu. Hann segir að fólk eigi að reyna að finna sjarmann aftur í smáatriðunum, gælunöfnum og þess lags.
Skipulegðu kynlífið – Kynlíf, sem hefst algjörlega óundirbúið, er frábært en sjaldgæft. Þegar börn, starfsframi og fleira er á dagskránni, þá er bara ein lausn – Taktu frá tíma til að stunda kynlíf. Saddington segir að það verði ekki leiðinlegt fyrir vikið, þetta sé bara nauðsynlegt. Með því að taka frá ákveðinn tíma fyrir kynlíf, setja pör hvort annað í forgang og það er mikilvægt.
Sýndu ástríki án þess að hafa kynlíf í huga – Hættu að snerta makann eingöngu þegar þú vilt kynlíf. Koss á kinnina, snertu mittið, hrósaði makanum hreinskilnislega, allt án þess að hafa kynlíf í huga. Þetta er leiðin til að brjóta ísinn.
Skiptist á að vera sjálfselsk – Gefið hvort öðru leyfi til að hafa „nú er komið að mér, nú er komið að þér“ kvöld. Stundum ert það þú sem þiggur og stundum er það makinn sem þiggur. Þetta gerir út af við væntingar og nándin verður leikur og örugg, frekar en bókhald yfir „hver veitti hvað og hvenær“.
