Express skýrir frá þessu og segir að veiran, sem er náskyld MERS, sem er banvæn veira sem verður um þriðjungi þeirra sem smitast að bana, heiti HKU5-CoV-2 og hafi uppgötvast á kínversku rannsóknarstofunni í Wuhan, sem hefur verið sökuð um að hafa verið uppspretta COVID-19 heimsfaraldursins.
Vísindamenn við Washington State háskólann gerður tilraunir til að sjá samspil nýju veirunnar við mannsfrumur. Michael Letko, veirufræðingur og meðhöfundur rannsóknarinnar, sagði að rannsóknin hafi leitt í ljós að veiran sýki frumur og að smávegis breyting á prótínum á yfirborði veirunnar geti gert henni kleift að bindast ACES2 mannsfrumum en þær eru í hálsi, munni og nefi okkar.
HKU5-CoV-2 fannst í hluta af mörg hundruð leðurblökum sem sýni voru tekin úr í Kína.
Eins og staðan er núna, breiðist veiran aðeins út hjá leðurblökum en sérfræðingar óttast að stjórnlaus verslun með villt dýr í Kína geti aukið líkurnar á að hún stökkbreytist og verði þar með fær um að berast á milli fólks.
Letko sagði að líkindin á milli MERS og HKU5-CoV-2 séu ákveðið áhyggjuefni. Hann benti á að engin sönnun sé fyrir að veiran hafi borist í fólk fram að þessu en sá möguleiki sé til staðar og því þurfi að fylgjast vel með þróun mála.
