Margir karlmenn hafa hugsað um þetta en fáir tala upphátt um þetta: Hversu lengi stendur kynlíf að meðaltali? Er þá átt við tímann sem líður frá því að getnaðarlimurinn er settur inn í leggöngin þar til karlinn fær sáðlát.

Ef þú heldur að þetta snúist um einhverskonar maraþon, þá þarftu eitthvað að endurskoða væntingar þínar.

Margar rannsóknir hafa verið gerðar á því hversu lengi samfarir standa. Í einni stærstu rannsókninni voru 500 pör, frá ýmsum löndum, fengin til að nota skeiðklukkur til að mæla hversu langur tími leið frá því að limurinn var settur inn í leggöngin og þar til karlinn hafði sáðlát.

Niðurstaðan var að meðalsamfarirnar standa í 5,4 mínútur.

Í annarri rannsókn kom í ljós að karlar haldi að meðaltali út í 5 til 7 mínútur eftir að limurinn hefur verið settur inn í leggöng. Forleikur eða önnur form kynlífs eru ekki tekin með í þessum mælingum.

En hvað er eðlilegt í þessum efnum?

Kynlífsfræðingar hafa reynt að flokka lengd samfara:

1-2 mínútur – Of stutt.

3-7 mínútur – Ásættanlegt.

7-13 mínútur – Æskilegt.

10-30 mínútur – Of langt.

Þessir flokkar eru auðvitað bara leiðbeinandi og rétt er að hafa í huga að lengd samfara getur verið háð því hvað hver og einn vill og aðstæðunum hverju sinni.