BBC segir að annar mannanna, sem er hermaður, hafi orðið fyrir árás þegar hann var í hlaupatúr. Hinn, almennur borgari sem starfar í herstöðinni, var í göngutúr þegar hlébarðinn réðst á hann.
Sem betur fer sluppu mennirnir nokkuð vel frá þessu og hlutu aðeins minniháttar áverka að sögn talsmanns hersins.
Hlébarðinn var fangaður og fluttur í dýraathvarf í 100 km fjarlægð frá herstöðinni.
Talsmaður hersins sagði að algengt sé að fólk rekist á hlébarða en það sé yfirleitt ekki hættulegt.
Þjóðgarðurinn laðar mikinn fjölda ferðamanna til sín árlega en hann er að mestu afgirtur. En það er útilokað að halda hlébörðum innilokuðum því þeir eru liprir klifrarar og láta girðingar ekki stöðva sig.
Um 150 hlébarðar halda til í þjóðgarðinum.
