Hann hringdi auðvitað í lögregluna sem kom fljótt á vettvang og rannsakaði töskuna. Í henni var lík Christina Elizabeth Barber, 48 ára. Lögreglan var þá þegar að rannsaka hvarf hennar eftir að samstarfsmaður hennar tilkynnti að hún hefði ekki skilað sér til vinnu eða svarað í síma í heila viku.
Eftir að lík hennar fannst var Christopher Astin Motry, 34 ára unnusti hennar, handtekinn. NBC 25 skýrir frá þessu.
Motry, sem er kvæntur, hefur verið ákærður fyrir morð af fyrstu gráðu, heimilisofbeldi, að hafa spillt sönnunargögnum og að hafa leynt andláti.
Þegar lögreglan rannsakaði mótelherbergi, sem Barber var með á leigu, í Flint fann hún marga blóðuga muni. Þar voru til dæmis blóðug dýna, á henni var einnig kattaskítur sem og á gólfinu. Blóðug lök voru einnig við rúmið og blóðblettir á gólfi og veggjum.
Á upptökum úr eftirlitsmyndavélum sáust Barber og Motry koma saman á mótelið þann 28. febrúar. Daginn eftir yfirgaf Motry herbergið með eitthvað sem „virðist hafa verið lík í plastpoka“ og hafi sett það í bílinn sinn.
Saksóknari segir að samband Barber og Motry hafi átt í stormasömu sambandi og hafi Motry ítrekað hótað að drepa hana. Hann er í gæsluvarðhaldi og getur ekki fengið lausn gegn greiðslu tryggingar.
