Coleman, sem er 59 ára, tókst að koma foreldrum sínum í öruggt skjól en hljóp aftur inn í húsið til að bjarga hundinum sínum. Þar virðist hann hafa misst meðvitund en viðbragðsaðilar náðu honum út úr húsinu og flutti á sjúkrahús þar sem hann er þungt haldinn. Hundurinn drapst í eldsvoðanum.
Dan Severn, annar þekktur bardagakappi og kollegi Coleman, segir að hetjudáðin hafi ekki komið honum á óvart.
Coleman var tekinn inn í frægðarhöll UFC árið 2008 og var sá fimmti í röðinni til að vera tekinn inn í hana. Gunnar Nelson hefur sem kunnugt er keppt í UFC með góðum árangri.
