Nútímamenn eru hugsanlega afkomendur tveggja eða fleiri erfðafræðilega óskyldra tegund manna sem voru aðskildar í Afríku. Þessar tegundir rákust þó öðru hvoru á hver aðra og einstaklingar úr þeim stunduðu kynlíf þvert á tegundirnar.

Úr þessu flókna samspili tegundanna urðu nútímamenn til. Þetta er niðurstaða nýrrar rannsóknar sem er á skjön við fyrri hugmyndir um að tegundin okkar hafi blandast útdauðum tegundum manna í Afríku sem voru mjög svo frábrugðnar okkur líffræðilega séð.

Þetta gengur einnig gegn hugmyndum um að nútímamenn hafi þróast út frá einni tegund manna.

Tegundin okkar, Homo sapiens, kom fram á sjónarsviðið í Afríku fyrir rúmlega 300.000 árum. Fyrstu bylgjur nútímamanna byrjuðu að yfirgefa Afríku fyrir að minnsta kosti 194.000 árum. Þegar út fyrir Afríku var komið, blandaðist tegundin við nú útdauðar tegundir eins og Neanderdalsmenn og Denisovan en þessar tegundir yfirgáfu Afríku löngu á undan nútímamönnum.

Nýja rannsóknin hefur verið birt í vísindaritinu Nature.