Flestir átta sig eflaust á að þegar þeir fljúga með lággjaldaflugfélagi á borð við Ryanair þá geta þeir ekki vænst þess að um fimm stjörnu lúxusflug verði að ræða. Fæstir eru ósáttir við það því miðarnir eru yfirleitt miklu ódýrari en hjá flugfélögum sem ekki teljast til lággjaldaflugfélaga.

En Marta Verse er ekki alveg sátt við upplifun sína í flugferð með Ryanair nýlega. Hún hafði pantað gluggasæti og greitt aukalega fyrir það.

Eins og sjá má á myndinni þá er auðvitað hægt að halda því fram, tæknilega séð, að hún hafi fengið gluggasæti. En samt sem áður var hún ansi ósátt við flugfélagið og lái henni hver sem vill.

Glugginn, sem hún fékk sæti við, er á hurð vélarinnar og því pínulítill.

Seriously @Ryanair I paid for the window seat 🫠 pic.twitter.com/78qp9W3lLM

— MartaVerse 🍑 (@MartaVerse) September 10, 2022

Hún skýrði frá þessu á Twitter. Ekki leið á löngu þar starfsfólk Ryanair svaraði með tísti. Engin texti fylgdi því, bara myndin hennar Mörtu þar sem búið var að teikna rauðan hring utan um gluggann.

https://t.co/FpqhehcenM pic.twitter.com/skrOseKRSl

— Ryanair (@Ryanair) September 12, 2022