Gavin Newsom, ríkisstjóri í Kaliforníu, hefur lýst yfir neyðarástandi á svæði nærri Yosemite þar sem mikill skógareldur geisar nú. Rúmlega 6.000 manns hafa þurft að yfirgefa heimili sín vegna eldsins og mörg þúsund slökkviliðsmenn berjast við eldinn en verður lítt ágengt.

Al Gore, fyrrum varaforseti Bandaríkjanna, var ekki að skafa utan af hlutunum þegar hann ræddi um eldinn og aðrar náttúruhamfarir víða um heim: „Við sjáum neyðarástand á heimsvísu og staðan versnar mun hraðar en spáð hafði verið. Við neyðumst til að gera eitthvað. Þetta ætti að opna augu fólks um allan heim. Framtíð siðmenningarinnar er í húfi.“