fbpx
Sunnudagur 30.nóvember 2025
Pressan

Flugvélar sendar til að kanna tjónið á Tonga – Aska þekur eyjurnar

Kristján Kristjánsson
Mánudaginn 17. janúar 2022 05:01

Frá gosinu við Tonga þann 15. janúar. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Þykkt öskulag liggur nú yfir Tonga eftir hina gríðarlega öflugu sprengingu sem varð í neðansjávareldfjalli nærri eyjunum á laugardaginn. Lítið fjarskiptasamband er við eyjurnar en síma- og internetkaplar skemmdust í hamförunum. Það má því segja að allir 105.000 íbúar eyjanna séu næstum sambandslausir við umheiminn. Ástralar og Nýsjálendingar hafa sent flugvélar til Tonga til að kanna skemmdirnar úr loft og er fregna að vænta í dag um umfang tjónsins.

Sky News segir að engar fréttir hafi borist af slysum á fólki eða dauðsföllum á Tonga af völdum sprengingarinnar og flóðbylgjunnar sem skall á eyjunum í kjölfarið. Vitað er að tvær konur drukknuðu á strönd í Perú þegar flóðbylgja, af völdum sprengingarinnar, skall á ströndum landsins.

Scott Morrison, forsætisráðherra Ástralíu, hefur heitið Tonga stuðningi og hjálp en segir að öskuskýið, sem liggur yfir eyjunum, hafi komið í veg fyrir að hægt sé að hefja hjálparstarf. Hann sagði að einnig geri það hjálparstarf erfitt að fjarskiptasamband við eyjurnar sé lítið en allt sé gert sem hægt sé til að hjálpa íbúum Tonga.

Jacinda Ardern, forsætisráðherra Nýja-Sjálands, sagði að fjarskiptasamband við Tonga sé mjög takmarkað og ekki hafi tekist að ná sambandi við nein svæði þar nema höfuðborgina Nuku´alofa. Hún sagði að þykkt öskulag liggi yfir höfuðborginni en íbúarnir séu rólegir og ástandið stöðugt.

Alþjóða rauði krossinn hefur virkjað félög sín á Kyrrahafssvæðinu til að geta veitt íbúum Tonga aðstoð. Sky News hefur eftir Katie Greenwood, yfirmanni Alþjóða rauða krossins í Kyrrahafi, að út frá þeim litlu upplýsingum sem hafa borist megi ætla að eyðileggingin sé gríðarleg, sérstaklega á ystu eyjunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Stórfurðulegt mál vekur reiði í Frakklandi – Mannauðsstjóri ráðuneytis laumaði þvagræsandi lyfjum í kaffi kvenna sem komu í atvinnuviðtal

Stórfurðulegt mál vekur reiði í Frakklandi – Mannauðsstjóri ráðuneytis laumaði þvagræsandi lyfjum í kaffi kvenna sem komu í atvinnuviðtal
Pressan
Fyrir 2 dögum

Hann hélt áfram að brjóta á stelpum eftir að mál hennar var fellt niður

Hann hélt áfram að brjóta á stelpum eftir að mál hennar var fellt niður
Pressan
Fyrir 3 dögum

Gagnrýna vinnubrögð lögreglu í óhugnanlegu máli – Hvarf í einu landi en höfuðið fannst í öðru

Gagnrýna vinnubrögð lögreglu í óhugnanlegu máli – Hvarf í einu landi en höfuðið fannst í öðru
Pressan
Fyrir 3 dögum

Á yfirborðinu var hann sigursæll þjálfari en undir niðri leyndust myrkar hvatir

Á yfirborðinu var hann sigursæll þjálfari en undir niðri leyndust myrkar hvatir
Pressan
Fyrir 4 dögum

Vara eindregið við fjölkærum samböndum

Vara eindregið við fjölkærum samböndum
Pressan
Fyrir 4 dögum

Gift kona sökuð um kynferðislega áreitni í gufubaði á Mallorca

Gift kona sökuð um kynferðislega áreitni í gufubaði á Mallorca
Pressan
Fyrir 4 dögum

Varaforstjóri Campbell’s í vanda eftir að hljóðupptöku var lekið – „Hver kaupir þetta drasl?“

Varaforstjóri Campbell’s í vanda eftir að hljóðupptöku var lekið – „Hver kaupir þetta drasl?“
Pressan
Fyrir 5 dögum

Starfsmaður líkbrennslu fékk í hendurnar líkkistu sem grunsamlegt hljóð heyrðist frá

Starfsmaður líkbrennslu fékk í hendurnar líkkistu sem grunsamlegt hljóð heyrðist frá