26 ára karlmaður var skotinn til bæna í Vårberg í suðvesturhluta Stokkhólms í gær. Tilkynnt var um skothvelli klukkan 21.56 í gærkvöldi. Lögreglumenn fundu manninn á vettvangi og hafði hann verið skotinn mörgum skotum. Lögreglumennirnir reyndu að bjarga lífi hans en það tókst ekki.

Aftonbladet skýrir frá þessu. Lögreglan var við vettvangsrannsókn í gærkvöldi og nótt. Gengið var hús úr húsi og rætt við íbúa og upptaka úr eftirlitsmyndavélum var aflað.

Lögreglan leitar að silfurgrárri Mercedes Benz bifreið sem var ekið frá vettvangi skömmu eftir skothríðina.

Enginn hefur verið handtekinn vegna málsins.